سو پول سے برکت االلہ غازی کی رپورٹ
سو پول میں ضلعی اُردو عمل گاہ اور فروغِ اُرد سیمنار، شاندار کامیابی کے ساتھ مکمل”(سوپول، آئی این اے برکت اللہ غازی)، 10 مارچ 2025سوپول میں اُردو زبان کے فروغ کے لیے منعقدہ “ضلعی اُردو عمل گاہ اور فروغِ اُردو سیمنار و مشاعرہ” اپنی تمام تر علمی و ادبی رعنائیوں کے ساتھ کامیابی سے مکمل ہوگیا۔ یہ تقریب اُردو زبان کی ترقی و ترویج کے لیے ایک اہم سنگِ میل ثابت ہوئی، جہاں معزز شخصیات، دانشوران، شعراء اور اُردو کے چاہنے والوں نے بھرپور شرکت کی۔تقریب کا آغازتقریب کا آغاز حمدیہ و نعتیہ کلمات سے کیا گیا، جس کے بعد شمع روشن کی گئی۔ اس موقع پر معزز مہمانوں نے اُردو کی اہمیت اور اس کے فروغ کے لیے اپنی آراء پیش کیں۔اِس موقع پر کئی معزز شخصیات ے ن ے شرکت کی، جن میں راشد کلیم (I.A.S)، کوشل کمار (DPRO)، سودھیر کمار (DDC)، اور مہتاب رحمانی (ضلع پروگرام افسر، سوپول) شامل تھے۔ مقررین نے اُردو زبان کے درخشاں ماضی، موجودہ چیلنجز اور اس کے روشن مستقبل پر گفتگو کی۔ادبی نشست اور مشاعرہمحفل کی نظامت معروف ادیب بدیع الزماں نے کی، جن کی خوش گفتاری نے محفل کو مزید دلکش بنا دیا۔ مشاعرے میں معروف شعراء نے اپنا کلام پیش کیا، جب کہ نعت و حمد کے کلمات نے حاضرین کے دلوں کو چھو لیا۔تحقیقی و تنقیدی مقالات کی پیشکشاس تقریب میں اُردو زبان کے عصری تقاضوں پر بھی گفتگو ہوئی، جہاں مقالہ نگاروں نے تحقیقی و تنقیدی نکات پیش کیے۔اختتامیہ اور شکریہتقریب کے اختتام پر قاری رضوان عالم (سیکریٹری انجمن اُردو، ضلع سوپول) نے تمام معزز مہمانوں کا شکریہ ادا کیا اور اُردو کی ترقی کے لیے مزید ایسے اقدامات کی ضرورت پر زور دیا۔شرکاء کی کہکشاںتقریب میں علم و ادب سے وابستہ کئی اہم شخصیات موجود تھیں، جن میں افضل صاحب (محرر ضلع سوپول)، محترمہ سفیدہ بیگم (اُردو مترجم، ضلع سوپول)، مفتی معراج سعید قاسمی، بشارت کریم (سوپول ٹائمز) اور بی پی ایس سی سے بحال شدہ اُردو اساتذہ اشفاق صاحب، تاج الدین ندوی صاحب اور برکت اللہ غازی بھی شامل تھے۔یہ تقریب نہ صرف اُردو زبان کی عظمت کو اجاگر کرنے میں کامیاب رہی، بلکہ اس نے اُردو کے چاہنے والوں کے دلوں میں ایک نئی روشنی بھی بھر دی
